काठमाडौं । नेपाल प्रज्ञा प्रतिष्ठानले पहिलोपटक प्रकाशन गरेको गुरुङ भाषाको पाित्रका ‘तमू कए’ मा सिन्धुली गढी युद्धका नायक सिकारी सरदार वंशु ९वंश० गुरुङबारे विशेष लेख समावेस गरिएको छ ।
अंग्रेजविरुद्ध सिन्धुलीगढीमा १८२४ साल असोज १५ गते भएको युद्धमा बहादुरीका साथ लडेर अंग्रेज पराजित गर्न महत्वपूर्ण भूमिका खेल्ने वंशुको योगदानको चर्चा लेखमा छ ।
वंशुकै सन्तति बिनु गुरुङद्वारा लिखित लेखमा राज्यको तर्फबाट उचित सम्मान हुन नसकेको उल्लेख छ ।
हुलाक सेवा विभागले गत चैत २८ गते प्रकाशित वंशुको तस्विर अंकित हुलाक टिकटले दस्तावेजीकरण भएको उल्लेख गरेका छन् ।
पत्रिकाको पेज नं। ९८ देखि १०३ सम्म वंशुका विषयमा लेखिएको लेख समावेस छ ।
प्रज्ञा प्रतिष्ठान स्थापना भएको ६७ वर्षपछि पहिलोपटक गुरुङ भाषामा प्रकाशित पत्रिकामा वंशुको योगदानलाई समेटेर लेख प्रकाशित भएको हो ।
कार्यक्रममा अतिथिका रुपमा सिकारी सरदार वंशु (वंश) गुरुङ स्मृति प्रतिष्ठानका अध्यक्ष क्या. लालजंग गुरुङको समेत उपस्थिति थियो ।
