सिन्धुली । सिन्धुलीगढी युद्ध संग्रहालयमा सिकारी सरदार वंशु (वंश) गुरुङ तस्विर अंकित हुलाक टिकट राखिएको छ ।
हुलाक सेवा विभागले प्रकाशन गरेको सो टिकट संग्रहालयमा संग्रहित गरिएको हो । विभागले नगरपालिकालाई संग्रहालयमा राख्नका लागि फ्रेमसहितको टिकट पठाएपछि राखिएको नगरपालिकाले जनाएको छ ।
१८२४ साल असोज १५ गते अंग्रेजविरुद्ध सिन्धुलीगढी युद्धमा बहादुरीका साथ युद्ध लडेका सिकारी सरदार वंशुको योगदानको कदर गर्दै नेपाल सरकारले २०८१ चैत २८ गते हुलाक टिकट प्रकाशन गरेको थियो ।
सिन्धुलीगढी युद्धमा योगदान दिएका योद्धाको योगदानलाई सम्मान गर्दै सरकारले हुलाक टिकटमार्फत सम्मान गरेकोमा सिकारी सरदार वंशु (वंश) गुरुङ स्मृति प्रतिष्ठानले हार्दिक आधार र धन्यवाद दिएका छन् । त्यस्तै, संग्रहालयमा पनि वंशु तस्विर अंकित हुलाक टिकट सजाइएकोमा प्रतिष्ठानले खुशी व्यक्त गरेको छ ।
सिन्धुलीगढी युद्ध संग्रहालय अवलोकनका लागि आउने पर्यटकहरुले सिन्धुलीगढी युद्धमा वंशुको योगदान र परिचय स्पष्ट रुपमा प्राप्त गर्नेछ ।